Bıyl qazaqstandyqtar 200-ge jýyq balany asyrap aldy

<p>Elimizde bala asyrap alý zań aıasynda sheshiledi. Ótken jylǵa qaraǵanda bıyl bala asyrap alý kórsetkishi kórsetkishi azaıǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Bala asyrap alý «Neke jáne otbasy týraly» kodekske sáıkes júzege asady jáne túpkilikti sheshimdi sot qabyldaıdy. Ótken jyly jetim jáne ata-ana  qamqorlyǵynsyz qalǵan balalarǵa arnalǵan uıymdardan – 204, bıyl 190 bala asyrap alyndy. Qazir osyndaı uıymdarda 100-den astam tastandy bala tárbıelenip jatyr»,- dep jaýap berdi Oqý-aǵartý mınıstrligi Kazinform saýalyna.

Sheteldikter bala asyrap alam dese, akkredıttelgen agenttikter arqyly júgine alady. Sheshimdi sot qabyldaıdy. 

Ótken jyly shetel azamattary 1 bala asyrap aldy, bıyl sheteldikter Qazaqstannan bala asyrap alǵan joq.

«Neke jáne otbasy týraly» kodekske sáıkes bala asyrap alǵan qazaqstandyq azamattar balanyń kámeletke tolǵanǵa deıingi ómir súrý, oqý, tárbıe jáne densaýlyq jaǵdaıy týraly esep berýge mindetti. Alǵashqy úsh jyl ishinde esep jylyna eki ret, sodan keıin asyrap alynǵan bala 18 jasqa tolǵanǵa deıin jyl saıyn usynylýy tıis», - deıdi mınıstrlikten.