Bıyl Qazaqstanda joıqyn jer silkinisi bola ma – seısmolog jaýap berdi

<p>ALMATY. KAZINFORM - Seısmologııalyq baqylaý jáne zertteý ulttyq ǵylymı ortalyǵy komıssııasynyń sońǵy derekteri boıynsha Almatyda seısmıkalyq jaǵdaı turaqty. Bıyl Qazaqstanda joıqyn jer silkinisi kútilmeıdi. Bul týraly Óńirlik kommýnıkatsııalar qyzmetiniń brıfınginde ǵylymı ortalyq&nbsp; dırektory Dáýlet Sársenbaev aıtty.</p>

Spıkerdiń sózinshe, ótken aptada seısmıkalyq jaǵdaıdy taldaý boıynsha jumys aıaqtaldy jáne 2024 jylǵa arnalǵan orta merzimdi boljamǵa sáıkes respýblıka aýmaǵynda 70% yqtımaldyqpen kúshti joıqyn jer silkinisi kútilmeıdi.

«Bizdiń mamandardyń qorytyndysy boıynsha jáne birneshe ǵylymı baǵyttardyń derekterine sáıkes, jer qyrtysyndaǵy «joıqyn» 200-ge jýyq protsesti zertteı otyra jáne Almaty seısmıkalyq belsendi aýdanynyń aýmaǵynda 5.5 jáne odan da kóp magnıtýdasy bar jer silkinisi bolady dep kútilmeıdi», - dedi Dáýlet Sársenbaev.

Aıtýynsha, seısmıkalyq jaǵdaıdy baǵalaý týraly apta saıynǵy resmı aqparat Almaty qalasynyń TJD, Almaty oblysynyń TJD, QR TJM jáne basqa da tıisti organdarǵa beriledi.

Komıssııa quramyna ǵylymı ortalyqtyń jetekshi mamandary kiredi.