Bıyl Qazaqstanda 120 myńǵa jýyq otbasy turǵyn úı jaǵdaılaryn jaqsartty - depýtat

<p>Qazirgi tańda Qazaqstan azamattaryn turǵyn úımen qamtý baǵytynda belsendi jumystar júrgizilip jatyr. Bul týraly Parlament Senatynyń depýtaty Aınur Arǵynbekova aıtty, dep habarlaıdy <a href="https://kaz.inform.kz/news/shko-turgini-separatizm-ushn-5-zhilga-sottaldi-34bbb8/Kazinform" target="_blank" rel="noopener">Kazinform</a>.</p>

«Memleket basshysy óz Joldaýynda turǵyn úı máselesi bizdiń azamattarymyz úshin árqashan ózekti bolyp qala beretinin jáne memleketimizdiń áleýmettik saıasatynyń basty basymdyǵy bolyp tabylatynyn atap ótti. Biraq halyqtyń barlyq sanattaryn eskere otyryp, ony kópjaqty sheshý qajet. Sondyqtan Qazaqstannyń aldynda halyqtyń turǵyn úı jaǵdaılaryn jaqsartý boıynsha memlekettik qoldaý sharalarynyń tıimdiligi men ataýlylyǵyn arttyrý mindetteri tur», — dedi senator.

Onyń sózinshe, qazirgi ýaqytta azamattardy jańa turǵyn úımen qamtamasyz etý boıynsha belsendi jumys jalǵasýda.

«Máselen, 2023 jyldyń 10 aıynda 13 mıllıon sharshy metrden astam qurylys salynyp, 120 myńǵa jýyq otbasy turǵyn úı jaǵdaılaryn jaqsartty. Bul ótken jyldyń sáıkes kezeńimen salystyrǵanda 14%-ǵa joǵary.

Aǵymdaǵy jyly Memleket basshysynyń tapsyrmasy boıynsha turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy bekitildi, onyń sheńberinde neǵurlym muqtaj azamattardyń turǵyn úı máselelerin sheshý úshin memlekettik baǵdarlamalar iske qosyldy», — dedi Aınur Arǵynbekova.