Bıyl qansha shaqyrym avtomobıl joly jóndeledi
09:19, 21 Qańtar 2024
<p>ASTANA. KAZINFORM – «QazAvtoJol» ulttyq kompanııasy bıyl elimizde qansha shaqyrym avtomobıl joly jóndeletindigin málimdedi.</p>
«2024 jyly shamamen 3,1 myń shaqyrym avtomobıl joly salynyp, jańǵyrtylatyn bolady. Onyń shamamen 2 myń shaqyrymynda jóndeý jumystaryn aıaqtap paıdalanýǵa berý josparlanǵan», - delingen kompanııanyń agenttik saýalyna bergen jaýabynda.
Mekemeniń naqtylaýynsha, jańǵyrtý jobalarynyń basym bóligi ótken jyldan qalyp otyr.
«Soǵan oraı josparlanǵan barlyq jumys júrgiziletin bolady. Qazaqstan Respýblıkasy Úkimetiniń 2023 jylǵy 12 jeltoqsandaǵy «2024-2026 jyldarǵan arnalǵan respýblıkalyq bıýdjet týraly» Qazaqstan Respýblıkasynyń Zańyn júzege asyrý týraly» №1108 qaýlysymen bekitilgen josparǵa sáıkes, 2024 jylǵa málimdelgen jobalardy júzege asyrýǵa qarjy qoldaý tapty», - dep naqtylady «QazAvtoJoldan».