Bıyl Ertis ózenine qansha kólemde sý bosatylady
«Qazgıdromet» mekemesiniń habarlaýynsha, qazirgi sátte Shyǵys Qazaqstandaǵy sý qoımasynda jınalǵan sýdyń kólemi 30 mlrd tekshe metrge jetken. Bul – ótken jylǵymen salystyrǵanda 5 mlrd tekshe metrge kóp. Kóktemgi sý jiberý kezeńinde Shúlbi sý qoımasynan keletin búıirlik aǵyn oıdaǵydaı bolsa, Ertis ózenine tıesili jaıylmalardyń 70 paıyzyn sý basýy kerek.
«Byltyr Salaaralyq sý bosatý komıssııasynyń sheshimimen bosatylǵan 4,59 tekshe shaqyrym sý jetpeı qalyp, jaıylmalardyń nebári 30 paıyzy tirshilik nárine qanyqqan. Mundaı keleńsiz jaǵdaı sońǵy 10 jylda birinshi ret kezdesti. Al bıyl Shyǵys Qazaqstannyń taýly aımaqtarynda ornalasqan sý qoımalarynda ylǵal mol ekeni baıqalady. Úlbi jáne Ýba ózenderinen keletin sý da mol bolyp, kóktemgi tabıǵat qorǵaý sharalary oıdaǵydaı ótedi dep oılaımyz. Bizdiń esebimizshe, Ertis ózeni aýmaǵynda ornalasqan jaıylmalardyń 70 paıyzyna sý jetedi. Buǵan qosa ótken jyly Pavlodar oblysynyń ákimdigi ózenniń arnasy men tarmaqtaryn tazartty. Ol da oń nátıje berýi kerek. Al sýdyń qashan jáne qandaı kólemde bosatylatynyn komıssııa sheshetin bolady», - deıdi «Ertis» basseındik ınspektsııasynyń basshysy Medet Jádigeruly.
Aıtyp óteıik, byltyr Pavlodar oblysynda tabıǵı gıdrologııalyq rejımniń buzylýyna Shyǵys Qazaqstandaǵy sý qoımalarynan sýdyń normaǵa saı bosatylmaýy sebep bolǵan edi.
Saldarynan ózenniń jaıylmalary qanyqpaı, shabyndyqtar qurǵap ketti. Ertis ózeniniń arnasy tartylǵany óz aldyna, qumdaýyt jerlerdiń paıda bolýy ekologtardy qatty alańdatyp otyr.