Bıyl Ertis-Baıan óńirinde 800-ge jýyq jazǵy lager ashylady

<p>PAVLODAR. KAZINFORM- Jalpyǵa birdeı bilim berý qorynyń qarajaty esebinen áleýmettik qorǵalmaǵan otbasylardan shyqqan 12 myńnan astam bala, jetim balalar demalady. Jazǵy kezeńde 109 myńnan astam oqýshy nemese oqýshylardyń jalpy sanynyń 98,5%-y demalyspen jáne jumyspen qamtylady.</p>

Óńirde balalardyń demalysy men jumyspen qamtylýyn uıymdastyrý úshin barlyq mekemelerdiń múmkindikteri men áleýetin jumyldyra otyryp, keshendi túrde sharalar qabyldanýda. Jazǵy kezeńde 109 myńnan astam oqýshy nemese oqýshylardyń jalpy sanynyń 98,5%-y demalyspen jáne jumystyń ártúrli nysandarymen qamtylady.

«1 maýsymnan bastap óńirde 782 mektep janyndaǵy, qala syrtyndaǵy jáne beıindi lagerler ashylady. Jalpyǵa birdeı bilim berý qorynyń qarajaty esebinen áleýmettik qorǵalmaǵan otbasylardan shyqqan 12 myńnan astam bala, jetim balalar demalady. Oqý úzdikteri, konkýrstar men olımpıadalardyń jeńimpazdary atanǵan 875 aýyl balasy «Qazaqstan halqyna» qoǵamdyq qorynan joldama sertıfıkattaryn alady. Bıylǵy jyly óńirde kolledjder bazasyndaǵy beıindik lagerler jelisi men qyzmet baǵyttary ulǵaıdy», - dep habarlady Pavlodar oblysy ákiminiń baspasóz qyzmetinen.

«Uly dala keremeti» jobasy boıynsha 1000 bala tarıhı jáne kıeli jerlerge saıahat jasaıdy. Baıanaýyl aýdanynda Qanysh Sátbaevtiń 125 jyldyǵyna arnalǵan «Q.Sátbaev - ult maqtanyshy» atty taqyryptyq aýysymdar, «DANA MURASY» ekspedıtsııalyq jasaqtardyń sleti josparlanǵan.

Jasóspirimderdiń eńbekpen qamtylýyna erekshe kóńil bólingen. Abattandyrý jáne kógaldandyrý jasaqtaryna 9 myńǵa jýyq joǵary synyp oqýshylary tartylady. Sonymen qatar, óńirdiń kásiporyndary men sharýa qojalyqtary jasóspirimderge arnalǵan 6 300 jumys ornyn qurdy.

Balalardyń ómiri men densaýlyǵynyń qaýipsizdigin qamtamasyz etý, lagerlerde, demalys oryndarynda, sý aıdyndarynda, mektep janyndaǵy jáne qala syrtyndaǵy lagerlerde sanıtarlyq normalardy saqtaý boıynsha úlken daıyndyq jumystary júrgizilip jatyr.