Bıyl elimizdegi qurylystyń 15 paıyzyn sheteldik kompanııalar salǵan

<p>Jyl basynan beri elimizdiń 18 óńirinde qurylys jumystary qarqyn aldy. Qańtar-tamyz aralyǵynda 11320,1 myń sharshy jańa nysan qoldanysqa berildi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«2023 jylǵy qańtar-tamyzda oryndalǵan qurylys jumystarynyń kólemi 11,4% ósip, 3521,8 mlrd teńge boldy. Respýblıka boıynsha qurylys jumystarynyń jalpy kóleminen jeke qurylys uıymdarymen - 85,4%, sheteldik - 14,4%, memlekettik 0,2% oryndaldy», - delingen Ulttyq statıstıka bıýrosynyń aqparatynda.

Belgili bolǵandaı, Qazaqstannyń 18 óńirinde qurylys qarqyny údeı túsken. Edáýir ósim Jetisý (66,8%), Batys Qazaqstan (49,4%), Qyzylorda (45,4%), Abaı (37,2%), Jambyl (24,8%), Mańǵystaý (24,6%), Aqtóbe (24,2%), Soltústik Qazaqstan (14,9%), Pavlodar (14,3%), Qostanaı (12%) jáne Aqmola oblystarynda (11,6%) tirkeldi.

Ulttyq statıstıka bıýrosy usynǵan derekterge saı, jyl basynan beri el boıynsha 11320,1 myń sharshy metr aýmaqty qamtyǵan jańa obektiler paıdalanýǵa berildi. 

Foto: Kazinform

«Paıdalanýǵa berilgen turǵyn úılerdiń jalpy alańy 2022 jylǵy qańtar-shildemen salystyrǵanda 11,7% ulǵaıyp, 8551,6 myń sharshy metr bolǵan. Olardyń 5030,2 myń sharshy metri kóp páterli jáne 3480,4 myń sharshy metri jeke úıler. Turǵyn úılerdiń edáýir bóligin – 7995,4 myń sharshy metrdi nemese 93,5%-yn jeke qurylys salýshylar salǵan», - delingen USB málimetinde.

Bıyl 17 189 oqýshyǵa arnalǵan 33 jalpy bilim beretin mektep, 1 458 orynǵa shaqtalǵan 19 balabaqsha, 150 tósek-orynǵa eseptelgen 1 aýrýhana jáne 1 206 naýqasty qabyldaýǵa qaýqarly 13 emhana paıdalanýǵa berildi.

Qosa ketsek, buǵan deıin Ónerkásip jáne qurylys mınıstri Qanat Sharlapaev zańsyz qurylysqa qashan toqtaý salynatynyn aıtqan edi.

Oǵan qosa, senator Andreı Lýkın Úkimet basshysy Álıhan Smaıylovtyń atyna depýtattyq saýal joldap, áleýmettik nysandardyń qurylys josparynan zańsyz alynyp jatqanyn málim etti.