Bıyl elimizde gaz tartýǵa qansha qarjy bólindi

<p>ASTANA. KAZINFORM &ndash; Elimizde birqatar gaz qubyry jelisin qurý josparlanyp otyr. Onyń ishinde &laquo;Beıneý &ndash; Bozoı &ndash; Shymkent&raquo;, &laquo;Aqtóbe &ndash; Qostanaı&raquo; jáne &laquo;Taldyqorǵan &ndash; Úsharal&raquo; magıstraldyq gaz qubyrlary salynbaq. Tolyǵyraq Energetıka mınıstri Almasadam Sátqalıev aıtyp berdi.</p>

«Bıyl gazdandyrýdy jalǵastyrý maqsatynda respýblıkalyq bıýdjetten 89,3 mlrd teńge bólindi. Odan bólek, Úkimettiń is-qımyl jospary aıasynda qosymsha 105,4 mlrd teńge qarastyryldy. Bul 300 myńnan astam adamdy gazben qamtamasyz etýge jáne 1700 shaqyrymnan astam gaz jelilerin jańǵyrtýǵa múmkindik beredi», - dedi Almasadam Sátqalıev Úkimet otyrysynda.

Vedomstvo basshysynyń aıtýynsha, eldi gazben úzdiksiz qamtamasyz etý úshin iri strategııalyq ınfraqurylymdyq jobalardy iske asyrý josparlanyp otyr.

«Onyń ishinde «Beıneý – Bozoı – Shymkent» magıstraldyq gaz qubyrynyń ekinshi jelisin (2,7 trln teńge), «Aqtóbe – Qostanaı» magıstraldyq gaz qubyryn (548 mlrd teńge), «Taldyqorǵan – Úsharal» magıstraldyq gaz qubyry salynbaq (131,7 mlrd teńge). Sondaı-aq, elimizdiń gaz tranzıttik áleýetin tolyqqandy paıdalaný boıynsha jumystar júrip jatqanyn atap ótkim keledi», - deıdi ol.