Bıyl elimizde aqyly joldar kóbeıip, tarıf ósýi múmkin

<p>ASTANA. KAZINFORM &ndash; Kólik mınıstrligi osy jyly 11 jol ýchaskesi aqyly bolatynyn jarııalady.</p>

«Qazir elimiz boıynsha uzyndyǵy 3,2 myń km bolatyn 17 aqyly ýchaske jumys istep tur, olar 2013-2023 jyldar aralyǵynda kezeń-kezeńimen engizildi. Bıyl jol-jóndeý jumystarynyń aıaqtalýyna qaraı uzyndyǵy 2,2 myń km avtojoldardyń 11 ýchaskesinde aqy alý júıesin engizý josparlanǵan», - delingen mınıstrliktiń Kazinform agenttigine bergen jaýabynda.

Qazir myna joldar aqyly:

- 2013 jyly - «Astana - Şýchınsk» (211 km);

- 2019 jyly - «Astana - Temirtaý», «Almaty - Qonaev», «Almaty - Qorǵas» (682 km);

- 2021 jyly - «Astana - Pavlodar», «Qonaev - Taldyqorgan», «Taraz - Qaınar», «Shymkent - Qyzylorda», «Shymkent - Taraz», «Shymkent - Tashkent», «Şýchınsk - Kókshetaý» (1 479 km);

- 2023 jyly - «Pavlodar-Semeı-Qalbataý»; «Beıneý-Aqjigit»; «Oral-Samara»; «Pavlodar-Omby»; «Kókshetaý-Petropavl»; «Oral-Saratov» (1 060 km).

«2023 jylǵy qazannan bastap 1 sanattaǵy joldardaǵy aqyly ýchaskeler boıynsha tarıfter AEK-ke baılanysty 20 paıyzǵa ósti, ıaǵnı, jeńil avtomobılder úshin tarıf 1,2 tg/km, júk avtomobılderi úshin júk kótergishtigine baılanysty 6 teńgeden 30 teńgege deıin. Qazirgi kezde Avtomobıl joldary komıteti, «QazAvtoJol» UK» AQ jáne «QazJolǴZI» AQ birlesip kóliktik aǵynnyń ulǵaıýyn eskere otyryp, aqyly ýchaskeler boıynsha jol júrý tarıfin qaıta qaraý boıynsha usynystardy pysyqtap jatyr», - dep atalyp ótken Kólik mınıstrligi aqparatynda.