Bıyl elimizde 4 896 zańsyz qoqys orny anyqtaldy
— Bıyl 4 896 ruqsat etilmegen qoqys orny anyqtaldy. Zańsyz qoqys polıgondaryn joıý kezinde adamı faktordyń oryn alýyna jol bermeý jáne monıtorıg sapasyn arttyrý maqsatynda eki márte áýeden sholý jumysy júrgizilip jatyr. Odan bólek, osy jumystardy atqarýdaǵy óńirlerdiń reıtıngisin anyqtaýda jasandy ıntellekt paıdalanylady, - dedi ol OKQ alańynda.
Sondaı-aq vıtse-mınıstr kelesi bir joba — Tabigat.gov.kz tabıǵı resýrstardyń ınteraktıvti kartasy týraly aıtty.
— «Tabigat.gov.kz» ınteraktıvti kartasynyń negizgi elementteriniń biri — stıhııalyq qoqys oryndarynyń paıda bolýyn anyqtaý, ormandardy zańsyz otaýdy, sondaı-aq memlekettik orman qory aýmaǵyndaǵy termaldy núktelerdi anyqtaý úshin ǵaryshtyq monıtorıngti qoldaný. Stıhııalyq qoqys oryndaryna monıtorıng júrgizý iri qalalar men eldi mekender kiretin 46 aımaqty qamtıdy, - dedi Nurlan Qurmalaev.
Sondaı-aq ol ormandy otaýǵa qarsy monıtorıng ǵaryshtyq sýretterdi aǵash egý materıaldarymen jáne berilgen aǵash kesý bıletterimen salystyrý arqyly júzege asyrylatynyn atap ótti.