Bıyl elimizde 18 mln sharshy metr turǵyn úı salynady — Úkimet

<p>ASTANA. KAZINFORM &mdash; Halyqtyń áleýmettik osal toptaryn qoldaý úshin jalǵa beriletin turǵyn úı qurylysyna 272 mlrd teńge bólindi. Bul týraly Premer-Mınıstrdiń orynbasary Tamara Dúısenova málim etti.</p>

«Óńirlerde kóterilgen suraqtardyń bir bóligi turǵyn úı salýǵa qatysty. Bul baǵytta naqty jospar bar. Bıyl keminde 18 mln sharshy metr turǵyn úı salý eskerilgen. Otbasy bankiniń jańa jeńildetilgen ıpotekalyq baǵdarlamalary iske qosyldy. «Otaý» jáne «Naýryz» jańa baǵdarlamalary boıynsha 64 myń adamnan ótinim qabyldandy», — dedi T. Dúısenova Májilistiń jalpy otyrysynda.

Onyń aıtýynsha, halyqtyń áleýmettik osal toptaryn qoldaý úshin jalǵa beriletin turǵyn úı qurylysyna 272 mlrd. teńge bólindi.

Sonymen qatar vıtse-premer ınfraqurylymdyq jobalarǵa toqtaldy. Bul turǵyda 12 myń shaqyrymnan astam avtojoldy salý, rekonstrýktsııalaý jáne jóndeý qarastyrylǵan. Jańa gaz jelilerin salý esebinen 300 myń halqy bar 87 eldi mekendi gazdandyrý josparlandy.

«13 arnaıy ekonomıkalyq jáne ındýstrııalyq aımaq qajet ınfraqurylymmen qamtamasyz etiledi. «Aýyl — el besigi» jobasyna 180 mlrd teńge qarastyryldy, onyń aıasynda 1,4 myń joba júzege asyrylyp, 500 aýyldyq eldi meken qamtylady», — dedi Úkimet basshysynyń orynbasary.

Eske salsaq, byltyr qańtar-qarashada 15 mln sharshy metrden asa turǵyn úı paıdalanýǵa berildi.