Bıyl elimizde 1 711 avtobýs qurastyrylǵan

<p><span style="font-family: sans-serif; font-size: 18px;">Qazaqstanda avtobýs óndirisi 2,5 ese ósti, dep habarlaıdy QazAqparat ulttyq statbıýroǵa silteme jasap.&nbsp;</span></p>

2023 jyldyń qańtar-tamyz aılarynda on jáne odan da kóp adamdy tasymaldaýǵa arnalǵan 1711 kólik shyǵarylsa, 2022 jyldyń sáıkes kezeńinde 1033 kólikke kem óndirilgen.

Osylaısha byltyrǵy qańtar-tamyzben salystyrǵanda óndiris kólemi 2,5 ese ósti.

Sonymen qatar bıylǵy jyldyń alǵashqy 8 aıynda jeńil avtokólik óndirisi 41,5% ósti.

Atalǵan ýaqyt aralyǵynda qazaqstandyq kásiporyndar 88,5 myńnan astam avtokólik shyǵarsa, ótken jyldyń sáıkes kezeńinde 62,5 myń avtokólik shyǵaryldy.

Bul rette elimizdegi júk kólikteriniń óndirisi 24,6% ósti.

Eger aǵymdaǵy jyldyń qańtar-tamyz aılarynda 6,1 myńǵa jýyq júk kóligi shyǵarylsa, ótken jyldyń sáıkes kezeńinde 4,8 myńy óndirilgen.