Bıyl eldegi maldyń 0,08 paıyzy ǵana saqtandyrylǵan
- 2022 jyly memleket tarapynan saqtandyrý syılyqaqylaryn sýbsıdııalaý kólemi 50%-dan 80%-ǵa deıin ulǵaıtyldy. Búgingi tańda, agroónerkásiptik keshende saqtandyrý salasynda operator «Agrarlyq nesıe korporatsııasy» AQ bolyp esepteledi. Sondaı-aq, «Freedom Finance Insurance» SK» AQ, «Amanat saqtandyrý kompanııasy» AQ, «Nomad Insurance» saqtandyrý kompanııasy» AQ jáne Vıktorııa» saqtandyrý kompanııasy» AQ sekildi saqtandyrý kompanııalary saqtandyrýshy retinde qyzmet kórsetedi. Jalpy, ósimdik jáne mal sharýashylyǵy baǵyttarynda 16 saqtandyrý ónimi bar, - dep jazylǵan jaýapta.
Vedomstvo dereginshe, ósimdik sharýashylyǵynda kúzdik daqyldar men dándi-burshaqty, maıly daqyldardy ylǵaldylyǵy tapshylyǵy men shamadan tys artyq bolýynan saqtandyrý, kóp jyldyq alma aǵashtaryn jáne alma ónimderin saqtandyrý qyzmetteri jolǵa qoıylǵan. Al mal sharýashylyǵynda iri qara, usaq mal, jylqy, qus jáne shoshqany saqtandyrý ónimderi bar.
- 2024 jyly aýyl sharýashylyǵy taýaryn óndirýshilerdiń 564 myń gektar egis alańy saqtandyryldy. Bul 2023 jylǵy kórsetkishten 285 myń gektarǵa nemese eki ese kóp. Byltyr saqtandyrýǵa 241 ótinim qabyldansa, bıyl 463 ótinim qabyldanǵan. Osylaısha, ótinim sany 2023 jyldyń kórsetkishinen 92,1% kóbeıgen. Sonymen qatar, bıyl 21 659 iri qara, 3 157 usaq mal, 3 739 jylqy, 14 687 shoshqa jáne 4 mln 579 myń qus saqtandyrylǵan, - dep jazady mınıstrliktegiler.
Mınıstrlik málimetine qaraǵanda bıylǵy tasqynda qyrylǵan maldyń eshbiri saqtandyrylmaǵan.
- «Agrarlyq nesıe korporatsııasy» AQ-nyń aqparatyna sáıkes, bıyl bolǵan sý tasqyny kezinde qulaǵan maldardyn saqtandyrylmaýy sebepti, saqtandyrý kompanııalary tarapynan saqtandyrý tólemderi jasalmaǵan, - delingen jaýapta.
Buǵan deıin elimizde mal sany ǵana emes, qus sany da qoldan kóbeıtilip kelgenin jazǵan edik.