Bıyl ekstremıstik sıpattaǵy 1,6 myń ınternet-resýrs buǵattalǵan

<p>ASTANA. KAZINFORM &ndash; Jyl basynan berý kúmándi 6,1 myń ınternet-resýrs anyqtaldy. Bul týraly Parlament Májilisinde &laquo;Kıberqylmysqa qarsy kúresýdiń ózekti máseleleri&raquo; taqyrybyna arnalǵan talqylaýda Іshki ister mınıstriniń orynbasary Aıdos Rysbaev aıtty.</p>

«Osy jyly ǵalamtorǵa jelisin monıtorıngileý barysynda 6,1 myń ınternet-resýrsty anyqtadyq jáne olardy buǵattaý úshin Mádenıet jáne aqparat mınıstrligine derekterdi joldadyq. Onyń arasynda alaıaqtyq belgileri bar 3 myń resýrs, esirtki qylmysyna qatysty — 529, ekstremıstik sıpattaǵy 1,6 myń ınternet-resýrs bar. Sonymen qatar, messenjerde (WhatsApp, Telegram, Instagram jáne t. b.) arnaıy Cyberbot toptary quryldy, olar saıt ákimshilerin jalǵan silteme týraly tikeleı habardar etedi. Osyndaı jumystyń arqasynda bir aı ishinde 300-den astam resýrs joıyldy», — dedi A. Rysbaev.

Onyń aıtýynsha, alaıaqtardyń aldaýyna túsip qalmaýy úshin turǵyndar arasynda 20 myńnan astam profılaktıkalyq materıal taratyldy, qoǵamdyq oryndarǵa býkletter (250 myń) ornalastyryldy.

Sonymen qatar, eskertý mátinderi bar SMS habarlama jiberildi.

Budan buryn habarlanǵandaı, 2023 jyly kıberqylmystan azamattarǵa 21 mlrd teńge shyǵyn kelgen.