Bıyl dıqandarǵa 95,4 mlrd teńge jeńil nesıe men 65,4 mlrd teńge sýbsıdııa beriledi

<p>ASTANA. KAZINFORM &ndash; Premer-mınıstr Oljas Bektenov bıyl egin sharýashylyǵyn qoldaýǵa memleketten bólingen qarajattyń kólemin atady.</p>

«Bıylǵy astyqtyń bitik shyǵýy egis naýqanyn sapaly ári ýaqtyly júrgizýge baılanysty. Bul – elimizdiń azyq-túlik qaýipsizdigine tikeleı qatysy bar mańyzdy naýqan. 

«Keń dala» baǵdarlamasy boıynsha jeńildikpen 140 mlrd teńge kredıt beriledi. Sondaı-aq jergilikti bıýdjetterden qosymsha 100 mlrd teńge bólinedi. 

Bul qarjy kózderi kóktemgi naýqandyq jumystar men kúzgi egin oraǵyna qosymsha 425 mlrd teńge jeńildikti kredıt baǵyttaýǵa múmkindik beredi», - dedi ol Úkimet otyrysynda.

Onyń aıtýyna qaraǵanda, bıyl jeńildetilgen baǵamen 340 myń tonna dızel otynyn bólý josparlanyp otyr.

«Forvardtyq satyp alýǵa 40 mlrd teńge jáne sýbsıdııalar túrinde 95,4 mlrd teńge qaraldy», - dedi Oljas Bektenov.