Bıyl BQO-da 642 shaqyrym jol jóndelip jatyr

<p>ASTANA. KAZINFORM &ndash; Batys Qazaqstan oblysynda shalǵaı ornalasqan birneshe aýdan joly jóndelip oblys ortalyǵymen baılanys qamtyldy. Bul týraly óńir ákimi Narıman Tóreǵalıev málim etti.</p>

«Jol qurylysy jobalaryna toqtalsam, oblystan shalǵaı ornalasqan Qaztalov, Bókeı ordasy jáne Jánibek aýdandarynda 2019 jyly bastalǵan respýblıkalyq mańyzy bar 245 km jol kúrdeli jóndeýden ótip, barlyq aýdan oblys ortalyǵymen tikeleı baılanys qamtyldy. Sonymen qatar, respýblıkalyq mańyzy bar 144 shaqyrym «Podstepnoe – Fedorovka» Reseı Federatsııasy shekarasyna deıingi joldy qaıta jańǵyrtý jumystary jalǵasyp jatyr. Qazir 60 shaqyrymǵa jýyq jol jóndeldi, qalǵany kelesi jyly jalǵasady», - dedi Narıman Tóreǵalıev Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, óńir basshysy oblystyq mańyzy bar avtomobıl joldaryn jóndeý boıynsha «Barbastaý – Aqjaıyq» - Inder» jáne «Jańaqala – Bısen» baǵytyndaǵy joldardyń qurylysy júrip jatqanyn aıtty. 

«Úkimettiń qoldaýymen ótken jyly 82 mlrd teńgege 562 shaqyrym jol jóndelse, bıyl 92 mlrd teńgeden astam qarjyǵa 642 km jol jóndelip jatyr. Keler jyly osy kólemdegi joldardy jóndeýdi josparlap otyrmyz. Sondaı-aq, Oral qalasyndaǵy kóshelerde jóndelip jatyr. Ótken jyly Oral qalasynda 58 km jol jóndelse, bıyl 50 km-den astam jol jóndeldi», - deıdi N. Tóreǵalıev.