Bıyl temir jol kóligimen 16,6 mln jolaýshy tasymaldandy

<p>Bıylǵy qańtar-qazan aılarynda temirjol kóligimen tasymaldanǵan jolaýshylar sany 16,6 mln adamdy qurady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Ulttyq statıstıka bıýrosyna silteme jasap.</p>

Bul kórsetkish 2022 jyldyń tıisti kezeńimen salystyrǵanda 2,2% artyq. Alaıda jolaýshylar aınalymy 2022 jylǵy qańtar-qazanmen salystyrǵanda 1,5%-ǵa tómendep, 13,6 mln j-km qurady.

"Jolaýshylar júrgen eń tanymal baǵyt burynǵydaı - Astana, 10 aıdyń ishinde 4,6 mln jolaýshy elordaǵa bılet satyp aldy, odan keıin Aqtóbe oblysyna – 1,5 mln jolaýshy, úshinshi tanymal baǵyt – Qyzylorda oblysy - 1,3 mln jolaýshy", - dep jazdy vedomstvodan.

2023 jyldyń qańtar-qazan aılarynda jolaýshylardy temir jol kóligimen tasymaldaýdan túsken tabys 100,8 mlrd teńgeni qurady, bul ótken jyldyń sáıkes kezeńimen salystyrǵanda 4,3% artyq.