Bıyl baspana baǵasy 10-15 paıyzǵa qymbattaýy múmkin – sarapshy

<p>ASTANA. KAZINFORM - Bıyl elimizde baspana baǵasy 10-15 paıyzǵa qymbattaýy múmkin.&nbsp; Mundaı pikirdi&nbsp; rıeltorlary birlesken qaýymdastyǵy prezıdentiniń keńesshisi Nına Lýkıanenko bildirdi.</p>

«Alǵyshart anyq baıqalady. Bul – qoldanystaǵy zańnama talaptaryn qatańdatý aıasynda qurylysy júrip jatqan jańa nysandar sanynyń qysqarýy, qurylys kezeńinde páterlerdi satýǵa tyıym salý, qurylys kompanııalaryn tekserý, olardyń lıtsenzııalaryn qaıtaryp alý. Boljamǵa keler bolsaq, belgisizdik jaǵdaıynda ony aıtý qıyndaý. Degenmen jyl ishinde baǵanyń kóterilý yqtımaldyǵy bar. Atalǵan kórsetkish jyl ishinde 10-nan 15 paıyzǵa deıin bolýy múmkin», - dedi sarapshy agenttik tilshisine bergen suhbatynda.

Sonymen qatar ol turǵyn úı saıasatyna júrgizilgen reformanyń jyljymaıtyn múlik naryǵyna yqpalyna qatysty pikir bildirdi.

«Joq, múldem sezilmeıdi. Ol naryqqa áser ete almaıdy. Óıtkeni kólemi múldem az», - dedi Nına Lýkıanenko.