Bıyl Balqashta jeti demalys aımaǵy salynady

<p>ASTANA. KAZINFORM &ndash; Osy jyly Balqashta jeti demalys aımaǵy salynady dep josparlanǵan. Týrısterge arnalǵan jańa demalys ortalyqtarynda 219 oryn qarastyrylmaq. Qalalyq jaǵajaıdy kórkeıtý jumystary áli de jalǵasyn taýyp jatyr. Qalanyń týrıstik múmkinshiligi týraly jergilikti kommýnıkatsııa qyzmetinde ótken brıfıng barysynda shahar ákimi Sapar Sataev aıtty.&nbsp;</p>

Onyń málimetinshe, Balqash jyl ótken saıyn belsendi damyp keledi. 2023 jyly qala ekonomıkasyna quıylgan ınvestıtsııa ótken jylmen salystyrganda 9,2 mıllıard teńgege artyp, 67,5 mıllıard teńgege jetken. 

Al, 2024 jylga arnalgan boljam budan da joǵary — 69 mlrd teńgege deıin ósedi dep josparlanǵan.

«2023 jyly Aqtoǵaı aýdany aýmaǵynyń bir bóligi Balqashqa qosylyp, týrızmdi damytýǵa jańa múmkindikter ashyldy. Keler jyly jalpy quny 1,450 mlrd teńgeni quraıtyn 7 demalys aımaǵyn paıdalanýǵa berý josparlanyp otyr»,- dedi qala ákimi Sapar Sataev.