Bıyl balalar shotyna 700 mıllıon dollarǵa jýyq qarjy aýdarylady

<p>ASTANA. KAZINFORM &ndash; Ulttyq bank 18 jasqa deıingi balalar shotyna bólinetin qarjyny salystyryp, tekserip jatyr.&nbsp;</p>

«Qazir bizge túsken málimetterdi tekserip jatyrmyz, ol baǵdarlamanyń operatory Biryńǵaı jınaqtaýshy zeınetaqy qory (BJZQ). Biz salystyryp tekseremiz, baza aýqymdy. Ádilet mınıstrligi men Azamattarǵa arnalǵan úkimettiń bazasy boıynsha bizdiń júıege kiretin 7 mıllıonǵa jýyq bala bar», - dedi Ulttyq bank tóraǵasy Tımýr Súleımenov bankte ótken brıfıng barysynda.

Onyń aıtýynsha, búginde ár balaǵa shot ashyldy, salystyrýdan keıin ol tolyǵymen iske qosylady.

«2024 jyly 700 mıllıon dollarǵa jýyq qarjy 18 jasqa deıingi balalar shotyna bólinedi», - deıdi ol.

Buǵan deıin habarlaǵanymyzdaı, Ulttyq bank ınflıatsııany 15,25%-ǵa deıin tómendetý týraly sheshim qabyldady. 

Odan bólek, T. Súleımenov bazalyq mólsherlemeniń tómendeýi kredıt pen ıpotekaǵa qalaı áser etetine qatysty pikir bildirdi.