Bıyl azaptaý faktisi boıynsha 45 adam qylmystyq jaýapqa tartylǵan

<p>Adam quqyqtary jónindegi ýákil Artýr Lastaev jyl basynan beri azaptaý faktileri boıynsha qozǵalǵan qylmystyq ister týraly málimet berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Bıyl ulttyq zańnamaǵa adam quqyqtaryn qorǵaýǵa, onyń ishinde azaptaýdyń jolyn kesýge baǵyttalǵan birqatar jańashyldyq usynylyp, engizilip jatqanyn bilesizder. Mysaly, bıyldyń ózinde azaptady degen aıyppen 45 adam qylmystyq jaýapqa tartyldy. Sol isterdiń negizinde sottalǵandar da, aıyptalýshylar da, kúdikti dep tanylǵandar da, qamaýǵa alynǵandar da bar. 2020-22 jyldar aralyǵynda barlyǵy 42 adam osyndaı aıyppen jaýapqa tartylǵan bolatyn. Sonda bıylǵy jumystyń kórsetkishi keıingi 3 jyldyń kórsetkishinen asyp otyr», — dedi ýákil «Adam quqyqtaryn qamtamasyz etetin halyqaralyq quqyqtyq normalardy ulttyq zańnamaǵa ımplementatsııalaý» atty halyqaralyq ǵylymı-praktıkalyq konferentsııada.

Onyń sózinshe, saıası plıýralızm qalyptastyrý baǵytyndaǵy reformalardyń da negizgi maqsaty — adam quqyqtaryn qorǵaý.

«Naýryz aıyndaǵy saılaýdyń qorytyndysy boıynsha, Májilis pen máslıhattar 80 paıyz jańardy. Májiliste 6 saıası partııanyń ókilderi otyrǵanyn bilesizder», — dedi ol.