Bıyl avtomobıl joly salasynda 24 qylmystyq is tirkelgen
«Memleket basshysynyń tapsyrmasy boıynsha Sybaılas jemqorlyqqa qarsy qyzmet Kólik mınıstrligimen birlesip, jol salasyndaǵy jemqorlyq táýekelderine syrtqy taldaý júrgizdi. Máselen, sońǵy 5 jylda jol salasyna 6 trln teńgeden astam qarajat jumsaldy. Biraq jol jelisiniń jaı-kúıi halyq tarapynan shaǵym týdyrýda. 2023-2024 jyldary memlekettik organdarǵa avtomobıl joldarynyń sapasyzdyǵyna qatysty 20 myńnan astam shaǵym tústi. Osy jyldyń basynan beri ǵana agenttik atalǵan salada 24 qylmystyq isti tirkedi», — dedi Danııar Bıgaıdarov.
Máselen, onyń dereginshe, osy jyldyń 30 qazanynda Petropavl qalalyq soty Soltústik Qazaqstan oblysy Taıynsha aýdany ákiminiń orynbasary, aýdandyq TKSh bóliminiń basshysy jáne JShS dırektoryna qatysty úkim shyǵardy. Aýdan ákiminiń orynbasary jáne aýdandyq TKSh bóliminiń basshysy aýdandyq mańyzy bar joldardy aǵymdaǵy jóndeý boıynsha oryndalǵan jumystar aktilerine kedergisiz qol qoıǵany úshin 10 mln teńge kóleminde para alǵany úshin, al JShS dırektory para bergeni úshin kináli dep tanyldy.
«Sot úkimimen aýdan ákiminiń orynbasary 7 jyl 6 aıǵa bas bostandyǵynan aıyryldy, aýdandyq TKSh bóliminiń basshysy — 7 jylǵa, JShS dırektory 3 jyl 6 aıǵa sottaldy. Budan basqa, sottalǵandarǵa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıy tyıym salyndy. Sot aktisi zańdy kúshine engen joq» -, dedi resmı ókil.
2023-2024 jyldary memlekettik organdarǵa el turǵyndary tarapynan sapasyz joldarǵa qatysty 20 myńnan astam shaǵym túsken. Tek osy jyldyń ózinde ǵana jol salasyna qatysty 24 qylmystyq is tirkelgen. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.
Búgin sondaı-aq, Shymkent qalasynyń sanıtarııalyq-epıdemıologııalyq baqylaý departamentiniń basshysy sottalǵany belgili boldy.