Bıyl aýyl mektepterin Ilon Mask ınternetine qosyp úlgermeımiz – Baǵdat Mýsın

<p>2024 jyldyń naýryz aıynyń sońyna deıin 2 myń mektep Starlink arqyly jyldam ınternetke qosylady. Bul týraly Tsıfrlyq damý, ınnovatsııalar jáne aeroǵarysh mınıstri Baǵdat Mýsın aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Biz 10 mektepti (Starlink spýtnıktik ınterneti) qosyp, onyń qalaı jumys isteıtindigin kórdik. Osy aptada 2 aptada jetkizý jáne olardy ornatý boıynsha kelisimshart jasadyq. Naýryz aıynyń sońyna deıin 2 myń mektep qosylady», - dedi Baǵdat Mýsın vedomstvodan ótken brıfıngte agenttik tilshisiniń saýalyna oraı.

Onyń atap ótýinshe, ınternet qosýǵa arnalǵan jabdyqtar elimizge áli jetkizilmegen.

«Jyl sońyna deıin úlgermeımiz. Sebebi jabdyqtar Amerıkadan jetkiziledi. Qazir olar jolda kele jatyr. Olar jetkizilgennen keıin kedendik tazartýdan, sertıfıkattaýdan ótedi. Sodan keıin baryp olardy mektepterge ornatýǵa jiberemiz», - dedi mınıstr.

Buǵan deıin Ilon Maks kompanııasy aldaǵy jarty jyldyń ishinde elimizdegi shalǵaıda ornalasqan 2 myń aýyldy Internetpen qamtamasyz etetindigin jazǵan edik. 

Aıta keterligi, búginde Almaty oblysynda «Digital Bridge-2023» pılottyq jobasy aıasynda Starlink spýtnıktik ınternetine shalǵaı aýdandardyń 8 mektebi tegin qosylǵan.