Bıyl Atyraý paravoleıbolshylary el chempıonatynda eki márte jeńimpaz atandy

<p>ATYRAÝ. KAZINFORM — El quramasy oıynshylarynyń basym bóligin quraıtyn «Atyraý» komandasy bıyl ekinshi márte jeńimpaz atandy.</p>

Atyraýda 20-25 qarasha aralyǵynda voleıboldy otyryp oınaıtyn komandalar arasynda el chempıonatynyń ekinshi kezeńi ótti. Paravoleıboldan ulttyq quramanyń jáne «Atyraý» komandasynyń bas jattyqtyrýshysy Baýyrjan Tahaýovtyń aıtýynsha, 13 oblysta paravoleıbol federatsııasy ashylǵan.

«Paravoleıbol sportyn damytý Atyraý oblysynda 2002 jyly qolǵa alyndy. Qazir bizdiń komandanyń 12 oıynshysy ulttyq quramada oınaıdy. Bıyl paravoleıbolshylarymyz Parıjde ótken paralımpıada oıyndarynda 5-shi oryndy, Qytaıdaǵy klýbaralyq Azııa chempıonatynda 1-shi oryndy ıelendi. Al, el chempıonatynyń I týrynda segiz, II týrynda jeti komanda arasynan úzdik atanyp otyrmyz. Atalǵan dodaǵa 16-65 jas aralyǵyndaǵy 100-ge jýyq sportshy qatysty. Bul jeńisimizge úzdiksiz daıyndyq pen tógilgen terdiń nátıjesinde qol jetkizdik. Endigi maqsatymyz — 2028 jyly AQSh-ta ótetin paralımpıada oıyndarynyń lıtsenzııasyn alý. Qazir oǵan daıyndyqty bastadyq», — deıdi Baýyrjan Tahaýov.

Foto: Atyraý óńirlik kommýnıkatsııalar qyzmeti

Tartysty ótken saıystyń nátıjesinde 2-shi oryndy Qyzylorda oblysynyń quramasy ıelendi. Al, úshindi orynǵa Mańǵystaý oblysynyń paravoleıbolshylary ıe boldy.

Eske sala ketelik, buǵan deıin Paralımpıada oıyndarynda qola júlde alǵan atyraýlyq paradzıýdoshylarǵa kólik berilgenin habarlaǵan edik.