Bıyl Atyraý oblysyna shetelden 272 etnıkalyq qazaq kóship keldi

<p>Atyraý oblysyna 1 jeltoqsanǵa deıin shet elderden 212 otbasy qonys aýdardy. Qazaqstanda turaqty turý úshin oralǵan otbasylardaǵy 272 etnıkalyq qazaq qandas mártebesin aldy, dep habarlaıdy <a href="Kazinform" target="_blank" rel="noopener">Kazinform</a>.</p>

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń baspasóz qyzmetinen málim etkendeı, atamekeninge kóship kelgen qandastardy ýaqytsha ornalastyrý ortalyǵy bar.

«Qandastardyń basym bóligi – 171 otbasyndaǵy 218 qazaq Ózbekstan Respýblıkasynan keldi. Reseı Federatsııasynan 35 otbasy (44 adam), Qytaı Halyq Respýblıkasynan 1 otbasy (1 adam), Túrkimenstan Respýblıkasynan 3 otbasy (7 adam) jáne Monǵolııa Respýblıkasynan 2 otbasy (2 adam) atamekenine oraldy.

Atyraý qalasyna - 180, Jylyoı aýdanyna - 27, Maqatqa – 4, Inder aýdanyna 1 otbasy qonystandy. Turǵyn úı kezeginde 43 qandas tirkeýde tur. Jumyspen qamtý ortalyqtarynda 22 qandas jumyssyz retinde tirkeldi. Turaqty jumysqa 1 qandas ornalasty. Jumyssyzdar esebindegi 4 qandas «Bastaý Bıznes» jobasymen oqytý kýrsynan ótip, arnaıy sertıfıkat aldy», - dep habarlady basqarmanyń baspasóz qyzmeti.

Eske sala ketelik, budan buryn byltyr Atyraý oblysyna kóship kelgen 311 etnıkalyq qazaq qandas mártebesin alǵanyn jazǵan bolatynbyz.