Bıyl astyq tasymaldaıtyn vagondar jetkilikti me

<p>ASTANA. KAZINFORM &ndash; QR Kólik mınıstrligi osy jyly kúzde egin oraǵy kezińinde astyq tasymaldaıtyn vagondarmen qamtamasyz etý máselesine túsinik berdi.</p>

«Astyq tasymaldaý protsesine shamamen 13 myń astyq tasıtyn jáne 15 myń jabyq vagon tartyldy. Astyq tasymaldaıtyndar parkiniń negizgi úlesin «Astyq Trans» AQ qamtyp otyr, kompanııada shamamen 6,5 myń vagon (3,4 myńy menshikti, 3,1 myńyn syrttan tartty) bar. Jalpy, barlyq park tolyqtaı jumys istep túr, josparly jóndeýdiń barlyq túrleri júzege asyryldy. Qoldanystaǵy vagon parki astyq tasymaldaýdy tolyq kólemde qamtamasyz ete alady», - delingen mınıstrliktiń Kazinform agenttigine bergen jaýabynda.

Vagon parki jetispegen jaǵdaıda, Reseıden 2 myńǵa deıin bos vagon tartylýy múmkin.

«Lokomotıvter parki boıynsha bıyl 185-in (110-y jetkizildi), onyń ishinde 20 manevrlik teplovoz satyp alý josparlanǵan. Astyq egetin óńirlerdi qoldaý jáne vagondardy ýaqtyly berý úshin qosymsha 9 manevrlik teplovoz jiberildi. Budan basqa, QTJ-da jedel shtabtar quryldy, onda apta saıyn otyrystar ótkiziled», - dep atalyp ótken vedomstvo aqparatynda.

Budan buryn habarlanǵandaı, «Qazaqstan temir joly» kompanııasy aldaǵy eki jylda 364 lokomotıv satyp alady. 

Sonymen qatar, 5 jylda jolaýshylar tasymaldaýǵa 1200 jańa vagon satyp alý josparlanǵan.