Bıyl astyq shyǵymy az: QR AShM eksportqa tyıym sala ma

<p>Bıyl jınalǵan astyq kólemi birshama az bolsa da, Qazaqstan ónimi dástúrli túrde eksporttalyp jatqan memlekettermen ózara baılanysty saqtap qalamyz. Bul týraly Aýyl sharýashylyǵy mınıstri Aıdarbek Saparov aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Senatta agrarlyq ǵylymdy damytý taqyrybyna arnalǵan Úkimet saǵatynan keıin tilshiler mınıstrge astyq eksporty boıynsha dástúrli naryqtardy saqtap qalý múmkindigi týraly suraq qoıdy.

«Bıyl astyq shyǵymyna qatysty qıyndaý boldy. Byltyr qambaǵa 22 mln tonna tússe, bıyl 16,5 mln tonna shamasynda bastyryldy. Bul rette, 6 mln tonna kem jınaldy. Jalpy, astyq ónimi Qazaqstandy nan, un jáne makaron ónimderimen tolyq qamtamasyz etýge jetkilikti. Biraq eksportqa shyǵarylatyn astyq kólemi azaıady, ıaǵnı 5 mln tonnadan artyq bolmaıdy dep oılaımyz», – dedi A. Saparov.

Onyń aıtýynsha, Qazaqstan astyǵy dástúrli túrde eksporttalyp jatqan memlekettermen ózara baılanysty saqtap qalý qadamdary jasalyp jatyr.

«Bıyl olardyń arasynda keıbir elder astyqty Reseıden alýy múmkin. Keler jyly bizdiń turaqty eksport naryǵymyzdy tolyqtaı qamtımyz dep sanaımyn», – dedi mınıstr.

Budan buryn habarlanǵandaı, bıyl qazan aıynyń sońyndaǵy málimet boıynsha Qazaqstanda 16 mln tonnaǵa jýyq astyq bastyryldy.