Bıyl Astanadaǵy Prezıdent saıabaǵy qaıta jańǵyrtylady

<p>ASTANA. KAZINFORM &ndash; Bıyl elordada birneshe saıabaq pen kóshege qaıta jańǵyrtý jumystary júrgiziledi. Bul týraly Astana qalasynyń ákimi Jeńis Qasymbek málim etti.</p>

«Bıyl Prezıdent saıabaǵy qaıta jańǵyrtylady. Sonymen qatar Esil ózeniniń jaǵalaýyn abattandyrýdy, ıaǵnı Amman kóshesinen Saraıshyq kópirine deıin, sol sııaqty Beıbitshilik jáne kelisim saıabaǵyn, Máńgilik El dańǵylyna (Orynbor kóshesinen Qabanbaı batyr dańǵylyna deıin) qaıta jańǵyrtý jumystaryn júrgizýdi josparlap otyrmyz», - dedi Jeńis Qasymbek Úkimet otyrysynda. 

Odan bólek, elorda ákimi «Myńjyldyq alleıasy» mańyndaǵy birqatar kóshe boıynda abattandyrý jumysy bastalatynyn aıtty. 

«J. Nájimedenov, A. Baıtursynov, K. Ázirbaev kóshesiniń jáne Táýelsizdik dańǵyly boıyn abattandyrýdyń birinshi kezeńin bastaýdy josparlap otyrmyz», - deıdi ol. 

Jeńis Qasymbektiń málimdeýinshe, Astanada sońǵy 5 jyldyń ishinde kógaldandyrý alańy bir turǵynǵa shaqqanda 14 sharshy metrden 19 sharshy metrge deıin ulǵaıǵan.

Sonymen qatar byltyr qala aýmaǵynda 165 qoǵamdyq jáne aýlalyq keńistik abattandyrylǵan.