Bıyl Astanada 5 jańa avtobýs baǵdary iske qosylady
Astana qalalyq kólik jáne jol-kólik ınfraqurylymyn damytý basqarmasy kóshe-jol jelilerin jeńildetý jáne elordanyń qoǵamdyq kóligin damytý úshin belsendi kólik saıasatyn júrgizip keledi.
«Bıyl baǵdar jelisiniń qyzmet kórsetý aımaǵyn keńeıtý úshin jańa 5 baǵdardy iske qosý josparlanyp otyr. Shamamen 200 birlik jańa avtobýs satyp alynyp, jelidegi keste sany 70 birlikke artady», - dep atap ótedi ákimdikten agenttik saýalyna oraı.
Ákimdik málimetinshe, qazirgi ýaqytta kóshe-jol jelisinde qoǵamdyq kólikterge arnalǵan jolaǵy 27 ýchaske bar. Olardyń uzyndyǵy 100 shaqyrymnan asady.
«2024 jyly Aıtmatov, Turan, Uly dala, Máńgilik el, Táýelsizdik, Qoshqarbaev, Kereı-Jánibek handar syndy negizdi magıstraldyq kóshelerde arnaıy jolaqtar jelisin shamamen 60 shaqyrymǵa arttyrý kózdelip otyr», - delingen ákimdik jaýabynda.