Bıyl ásirese sý tasyǵan óńirlerde baspana kóp satylǵan — statıstıka

<p>ASTANA. KAZINFORM — Bıylǵy maýsym aıynda turǵyn úıdi satyp alý-satý boıynsha 32 943 mámile jasalǵan. Onyń ishinde jeke úıler boıynsha — 8 058 jáne kóppáterli úıdegi páter boıynsha 24 885 mámile isk asty. Bul jaıynda ulttyq statbıýrodan habarlandy. </p>

2024 jyldyń mamyrymen salystyrǵanda (31 071) turǵyn úıdi satyp alý-satý mámilesiniń sany 6%-ǵa ósti.

Mámile sany boıynsha burynǵysynsha Almaty (5 937 — 18%) jáne Astana (4 812 — 14,6%) qalalary, sonymen qatar, Qaraǵandy oblysy (2 716 — 8,2%) kósh bastap tur.

Eń azy Ulytaý oblysynda — 342 (1%).

2024 jyldyń mamyrymen salystyrǵanda maýsymda eń úlken ósim Batys Qazaqstan (+77,3%), Soltústik Qazaqstan (+38,1%) jáne Atyraý (+22,8%) oblystarynda tirkeldi.

Al bir aıdaǵy eń úlken tómendeý kóshbasshylyqqa qaramastan Almaty qalasy (-7,6%), Jetisý oblysy (-6,9%) jáne Shymkent qalasynda (-4,6%) boldy.

2024 jyldyń mamyrymen salystyrǵanda, kóppáterli úıdegi turǵyn úı mámilesiniń sany 6,3%-ǵa (1 482 mámilege) kóbeıdi.

2024 jyldyń maýsym aıynda páter boıynsha barlyǵy 24 885 mámile jasaldy, bul — mámileniń jalpy sanynyń 75,5 paıyzy.

Kóppáterli úılerdegi turǵyn úı saýdasynyń negizgi úlesi Almaty (22,3%), Astana (18,9%) qalalaryna jáne Qaraǵandy oblysyna (9%) tıesili.

Bólme sany boıynsha 1 bólmeli páterler satylymy basym boldy, 2024 jyldyń maýsym aıynda olar boıynsha 9 643 mámile resimdelgen.

2024 jyldyń mamyr aıymen salystyrǵanda 2024 jyldyń maýsymynda jeke turǵyn úıler boıynsha mámile sany 5,1%-ǵa nemese 390 mámilege artty.

Maýsymda barlyǵy 8 058 mámile tirkelgen. 

Eń joǵarǵy ósim Atyraý (+64,1%), Batys Qazaqstan (+52,6%) jáne Aqtóbe (+45,8%) oblystarynda baıqaldy.

Al bir aıdaǵy eń úlken tómendeý Ulytaý (-22,7%) oblysynda, Almaty (-21,7%) qalasynda jáne Aqmola (-11,7%) oblysynda kórinis tapty.

2024 jyldyń maýsymynda turǵyn úıdi satyp alý-satý mámileleri aldyńǵy jyldyń tıisti aıymen salystyrǵanda 10,3%-ǵa kóbeıgen, ol kezde 29 880 mámile resimdelgen bolatyn.

Mámile sanynyń eń joǵarǵy ósimi Batys Qazaqstan oblysynda (71,6%-ǵa) baıqaldy, eń úlken tómendeý — Qyzylorda oblysynda (19,5%-ǵa).

Qańtar-maýsym aılarynda byltyrǵymen salystyrǵanda dınamıka 15,2%-ǵa joǵarylady.