Bıyl áskerı jıyndarǵa shaqyrylatyn azamattar sany 2 esege artty

<p>2024 jyly bir aılyq áskerı jıyndarǵa 3 000 adam shaqyrylady. Kvota sany byltyrǵymen salystyrǵanda eki ese kóp, dep habarlaıdy <a href="Kazinform." target="_blank" rel="noopener">Kazinform.</a></p>

Qorǵanys mınıstrligi baspasóz qyzmeti bergen aqparatqa sáıkes, áskerı jıynǵa shaqyrýshylardyń laýazymy, jumys orny men jalaqysy saqtalady. Al jumyssyzdarǵa memleket esebinen eń tómengi jalaqy tólenedi. Áskerı mindettilerdi transportpen qamtamasyz etý Qorǵanys mınıstrligi esebinen júrgiziledi.

Áskerı jıyn 2007 jyldan bastap júrgizilip keledi. Jıyn áskerı bólimshelerdiń oqý-áskerı jattyǵýyn kóterý jáne áskerı oqytylǵan zapastaǵy adamdardy kóbeıtý maqsatynda qolǵa alyndy. Shaqyrtylǵandar áskerı qyzmetke mashyqtanady. 

Arnaýly jıynǵa:

- qorǵanys, quqyq qorǵaý, qaýipsizdikke qatysty memlekettik organda jumys isteıtinder,

- memlekettik jáne azamattyq avıatsııa qyzmetkerleri,

- kóktemgi egis jáne kúzgi jıyn-terim kezine aýyl sharýashylyǵy salasynda eńbek etetinder,

- oqý jylynda bilim berý mekemeleriniń pedagog mamandary,

- bilim berý uıymdarynda kúndizgi bólimde oqyp júrgen azamattar,

- áskerı mindetti áıelder,

- 18 jasqa deıingi úsh balasy bar azamattar,

- tergeýdegi nemese protsessýaldyq iske tartylǵan azamattar,

- jergilikti atqarýshy organdardyń depýtattary shaqyrylmaıdy.