Bıyl Aral tabanyna 275 myń gektar sekseýil otyrǵyzylady

<p>ASTANA. KAZINFORM &ndash; Bıyl Aral teńiziniń qurǵaǵan tabanyna 275 myń gektar sekseýil otyrǵyzylady. Bul týraly Araldy qutqarý halyqarlyq qorynyń Ortalyq Azııa elderiniń turaqty damýy jónindegi memleketaralyq komıssııasy otyrysynda Ekologııa jáne tabıǵı resýrstar mınıstri Erlan Nysanbaev aıtty.</p>

«Ortalyq Azııa elderiniń turaqty damýy jónindegi memleketaralyq komıssııasy aıasynda kóptegen is-shara ótkizdik. Oń eń bastysy – Aral teńizine qatysty. Ózbekstanmen birlesip, Araldyń qurǵaǵan tabanynda sekseýil otyrǵyzý jobasyn iske asyryp jatyrmyz. Sonymen qatar Ortalyq Azııa elderiniń qoldaýymen jaqyn arada Tájikstanda Qaldyqtarmen kúres jónindegi óńirlik ortalyq quryldy. Búgin osy komıssııaǵa tóraǵalyqty Tájikstanǵa tapsyramyz», - dedi mınıstr.

Onyń atap ótýinshe, Aral teńiziniń tabanyna sekseýil otyrǵyzý kúrdeli másele. Búginde Ózbekstan teńiz tabanyna 1 mln túp, al Qazaqstan 900 myń gektar alqapqa sekseýil otyrǵyzdy. 

«Bylǵy jospar – 275 myń, al kelesi jylǵa - 280 myń gektar. Osy kóktemde 65 myń gektarǵa kóshet otyrǵyzamyz. Qalǵanyn kúzde tuqym retinde egemiz. Munan bólek, Araldyń qurǵaǵan tabanynda qudyq qazyp, tálimbaq salý jumystary júrgizilip jatyr. Buryn sekseýildi Qazaly syndy topyraǵy qunarly jerde ósirsek, qazir sol teńiz tabanynda ósirý baǵytynda jumys istelinip jatyr», - dedi Erlan Nysanbaev.