Bıyl Abaı atyndaǵy Qazaq ulttyq opera jáne balet teatryna 90 jyl toldy

<p>Abaı atyndaǵy Qazaq ulttyq opera jáne balet teatryna 90 jyl tolýyna oraı teatr ujymy qańtar aıynda kórermen nazaryna álemdik sahnalardyń ǵajaıyp qoıylymdary men shoqtyǵy bıik týyndylardy, ásem áýezdi sımfonııalyq keshterdi usynady, dep habarlaıdy <a href="Kazinform" target="_blank" rel="noopener">Kazinform</a>.</p>

Teatrdyń baspasóz qyzmetinen málim etkendeı, teatr ujymy jańa jyldyń shymyldyǵyn jańa jyldyq merekelerdiń sımvolyna aınalǵan «Şelkýnchık» qoıylymymen ashty. Odan bólek, «Madam Batterflıaı», «Abaı», «Evgenıı Onegın», «Travıata» operasy, «ıÝnona men Avos», «Lebedınoe ozero» baleti, «Francheska da Rımını» atty sımfonııalyq orkestrdiń kontserti berilmek.

4 - 28 qańtar aralyǵynda kórermen nazaryna P.I.Chaıkovskııdiń mýzykasyna, Vasılıı Vaınonenniń erjúrek qýyrshaq pen zulym tyshqan koroli týraly ǵajaıyp «Şelkýnchık» ertegisi usynylady.

11 qańtarda tańǵajaıyp Japonııa mádenıetin kórsetetin, opera óneriniń áserli týyndysy «Madam Batterflıaı» operasy kórsetiledi. Keıipkerlerdiń beınesin tereńnen ashatyn ıtalıandyq kompozıtor Pýchchınıdyń áserli sazdy mýzykasy qoıylymnyń basty ereksheligi bolyp tabylady.

13 qańtarda teatr ulttyq mýzykalyq ónerdiń injý-marjany Ahmet Jubanov pen Latıf Hamıdıdiń «Abaı» operasyn tamashalaýǵa shaqyrady. Alǵash ret 1944 jyly qoıylǵan «Abaı» operasy - Qazaqstannyń opera óneriniń úzdik jetistikteriniń biri.

18 qańtarda álemdik eń úzdik operalardyń biri Petr Chaıkovskııdiń «Evgenıı Onegın» operasy ótedi. Basty partııalardy «Umai-2023» ulttyq syılyǵynyń laýreaty, «Operadaǵy áıel partııasyn úzdik oryndaýshy» nomınatsııasyn ıelengen, teatrymyzdyń solısi Oksana Davydenko, Tólegen Rahymbaev (alǵashqy oryndaýy), Nurjan Bajekenov, QR Eńbek sińirgen qaıratkeri Dına Dıýtmaǵambetova, Nadııa Nadenova somdaıdy.

19 qańtarda balet óneriniń ozyq úlgisi A.Voznesenskııdiń «Avos» poemasy negizinde jazylǵan Alekseı Rybnıkovtyń eki aktili rıtm-rok baleti «ıÝnona jáne Avos» baletin usynady. Orys saıahatshysy Nıkolaı Rezanov pen San-Frantsısko gýbernatorynyń qyzy Marııa Konchıtanyń romantıkalyq mahabbat hıkaıasyna negizdelgen qoıylym.

20 qańtarda Aleksandr Dıýmanyń «Kamelııa ustaǵan hanym» romanynyń jelisi boıynsha qoıylǵan, áıgili ıtalıandyq kompozıtor Djýzeppe Verdıdiń «Travıata» eki bólimdi operasyn usynady.

25 qańtarda Abaı atyndaǵy Qazaq ulttyq opera jáne balet teatrynyń 90-jyldyǵyna oraı P.Chaıkovskııdiń «FRANChESKA da RIMINI» (sımfonııalyq sıýıta), K.Sen-Sans «Samson jáne Dalıla» operasynan VAKHANALIıA, K.Orf «KARMINA BÝRANA» (kantata) sımfonııalyq mýzyka keshine shaqyrady. Keshte teatrdyń opera solısteri QR Eńbek sińirgen qaıratkeri Jámılá Baspaqova, Emıl Sakavov, Bolat Qanaǵatov óner kórsetetin bolady.

«1934 jyldyń 13 qańtarynda qazaq opera jáne balet óneriniń altyn besigi, esimi ult tarıhynyń altyn shejiresine jazylǵan Abaı atyndaǵy Qazaq ulttyq opera jáne balet teatry alǵash ret óz kórermenderine shymyldyǵyn ashqan edi. 90 jyldyq tarıhynda teatrda 300-den astam shyǵarma qoıyldy. Bular qazaq operalary men baletterimen qatar, orys, batys Eýropa opera klassıkteriniń jaýharlarynan turatyn repertýarlar», - dep habarlady teatrdyń baspasóz qyzmeti.

Aıta keteıik, is-sharalar Qazaqstan Respýblıkasy Mádenıet jáne aqparat mınıstrliginiń qoldaýymen ótedi.