Bıyl 7 aıda shıkizattyq emes taýar eksporty 14,2 mlrd dollarǵa jetti

<p class="MsoNoSpacing" style="text-align: justify;"><span lang="KZ" style="font-size: 18.0pt; mso-ansi-language: KZ;">Elimizde shıkizattyq emes taýarlar aınalymy men eksporty artqan, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi. </span></p>

«Elimizde shıkizattyq emes taýar aınalymy bıyl qańtar-shildede 46,7 mlrd AQSh dollaryna jetti. Bul ótken jylmen salystyrǵanda 21,7%-ǵa joǵary ($38,4 mlrd). Bıyl 7 aıda shıkizattyq emes taýar eksporty 14,2 mlrd dollar bolǵan. Qyzmetter eksportyna toqtalsaq, ol kórsetkish – $2,1 mlrd. Bul ótken jyldyń sáıkes kezeńimen salystyrǵanda 16,7% -ǵa joǵary ($1,8 mlrd.). Shıkizattyq emes eksporttyq taýarlardyń ishinde top úshtikke mys pen mys katodtary, ferroqorytpalar jáne ýran kiredi», - dedi Saýda jáne ıntegratsııa vıtse-mınıstri Qaırat Tórebaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, eksport boıynsha negizgi naryq retinde Reseı, Qytaı, Ózbekstan, Túrkııa jáne Nıderland bolyp qala beredi.

«EO elderine, Qytaıǵa jáne Ortalyq Azııa elderine jetkizilimderdiń aıtarlyqtaı ósýi tirkeldi. Eksporttaýshylarǵa qarjylaı jáne basqa da qoldaý kórsetý jalǵasyp jatyr. Búginde 100-den astam kompanııa halyqaralyq kóshpeli saýda is-sharasyna qatysty. Bul – 7 eldegi saýda mıssııasy, Qytaıdaǵy halyqaralyq kórme. Bıyl birinshi jartyjyldyqta memlekettik qoldaýdyń nátıjesinde 5 500 mln dollardan astam somaǵa eksporttyq kelisimshart jasaldy», - deıdi ol.