Bıyl 50 myńnan astam qazaqstandyq Ázerbaıjanǵa týrıstik sapar jasaǵan

<p>Ortalyq Azııa elderinen Ázerbaıjanǵa týrıster aǵyny aıtarlyqtaı ósken. 2023 jyldyń qańtar-qarasha aılarynda Ázerbaıjanǵa Ortalyq Azııa elderinen 121 467 týrıst kelgen, bul 2022 jyldyń sáıkes kezeńimen salystyrǵanda 83,16%-ǵa (66 316 adam) joǵary, dep habarlaıdy<a href="https://kaz.inform.kz/" target="_blank" rel="noopener"> Kazinform</a> <a href="https://www.trend.az/business/tourism/3840057.html" target="_blank" rel="noopener">Trend.az</a> saıtyna silteme jasap.</p>

Ázerbaıjan týrızm jónindegi memlekettik agenttiginiń málimeti boıynsha, Qazaqstannan barǵan týrıster sany 53 249 adamdy (bir jylda 90,74%-ǵa ósken), Ózbekstannan – 35 222 (bir jylmen salystyrǵanda 49,74%-ǵa ósti), Túrikmenstannan – 23 401 (bir jyldyq ósim 2,46 ese), Qyrǵyzstannan – 5184 (bir jyl ishindegi ósim 78,82%), Tájikstannan – 4411 adamdy (bir jyl ishindegi ósim 78,37%) quraıdy.

Jalpy bir jyl ishinde Ázerbaıjanǵa 1 893 679 týrıst (ósim 29,81%) kelgeni atap ótildi.

2022 jyly Ázerbaıjanǵa barlyǵy 1 602 600 sheteldik azamat barǵan, bul 2021 jylǵy kórsetkishpen salystyrǵanda eki eseden astam (790 062 adam), Ortalyq Azııa elderinen – 73 823 adam, bul 2021 jylǵy kórsetkishten 4,75 ese kóp (15 516 adam).

2017-2022 jyldar aralyǵynda Ortalyq Azııa elderinen Ázerbaıjanǵa 411 141 adam (Qazaqstannan – 167 052, Túrikmenstannan – 119 201, Ózbekstannan – 96 278, Qyrǵyzstannan – 15 467, Tájikstannan – 13 143) barǵan.

Buǵan deıin qazaqstandyqtardyń shetelge jańa jyldyq saparlaryna qansha aqsha jumsaıtyny týraly jazǵan bolatynbyz.