Bıyl 470 myń gektarǵa jýyq egis alqabyna sý únemdeıtin tehnologııalar qoldanyldy - mınıstrlik

<p>ASTANA. KAZINFORM - Bıyl 470 myń gektarǵa jýyq egis alqaby sý únemdeıtin tehnologııalardy qoldana otyryp sýaryldy. Budan bólek, 58 myń gektarǵa jýyq jer lazerlik josparlaýshy arqyly tegisteldi.</p>

QR Sý resýrstary jáne ırrıgatsııa mınıstrliginiń habarlaýynsha, bul is-sharalar sýarmaly sý shyǵynyn azaıtýǵa múmkindik berdi.

Eske salsaq, Sý resýrstary jáne ırrıgatsııa mınıstrligi «2024-2026 jyldarǵa arnalǵan sý únemdeýdiń jol kartasyn» ázirlegen bolatyn. Josparda 39 is-shara qarastyrylǵan.

Mınıstrlik sý únemdeý saıasatyn odan ári iske asyrý jáne sharýalardy sý únemdeý tehnologııalaryna kóshýge yntalandyrý úshin sý únemdeý júıelerin ornatý shyǵyndaryn sýbsıdııalaý mólsherin 50%-dan 80%-ǵa deıin ulǵaıtty.

- Memleket basshysynyń tapsyrmalaryn oryndaý úshin ár óńirge sý únemdeý júıeleri ornatylǵan egis alqaptaryn ulǵaıtý boıynsha naqty ındıkatorlar belgilep, kezeńdik jospar ázirledi. Osylaısha, mınıstrlik 2030 jyldyń sońyna qaraı jylyna 2,2 mlrd tekshe metrge deıin sý únemdeýge nıetti, - dedi QR SRIM Sýdy únemdeý tehnologııalaryn damytý departamentiniń dırektory Berikbol Mándibaev.

Osyǵan deıin tamshylatyp sýarýǵa beriletin sýbsıdııa talaptary ózgergenin habarladyq.