Bıyl 40 sý qoımasyn zertteýge 1,5 mlrd teńgege jýyq qarajat bólindi

<p>ASTANA. KAZINORM &ndash; Bıyl 40 sý qoımasyn zertteýge 1,5 mlrd teńgege jýyq qarajat bólindi. Bul týraly Úkimet otyrysynan keıingi &nbsp;brıfıngide Sý resýrstary jáne ırrıgatsııa mınıstri Nurjan Nurjigitov aıtty.&nbsp;</p>

«Úkimet qaýlysymen bekitilgen arnaýly tizilim bar. Oǵan 87 sý qoımasy kiredi. Olar strategııalyq nysan sanalady. Tótenshe jaǵdaılar bolǵan kezde qaýip bar. Sondyqtan olar erekshe baqylaýda tur», - dedi mınıstr BAQ ókilderiniń saýalyna oraı. 

Onyń atap ótýinshe, Sý mınıstrligi men jergilikti atqarýshy organdar sý qoımalaryna zertteý júrgizedi. Zertteý nátıjesine oraı sý qoımasynyń qaýipsizdik deklaratsııasy jasalady. 

«Bıyl respýblıkalyq bıýdjetten shamamen 1,5 mlrd teńge bólindi. Soǵan oraı 40 sý qoımasynda zertteý jumysyn júrgizemiz», - dedi Nurjan Nurjigitov.