Bıyl 186 myńnan astam túlek mektep bitiredi
«22 myńnan astam mektepke deıingi, orta bilim, tehnıkalyq jáne kásiptik bilim oshaqtary bıylǵy oqý jylyn aıaqtaýǵa ázirlik ústinde. Bul uıymdarda bıylǵy oqý jylynda 5 mıllıonnan astam bala bilim men tárbıe aldy. Osy jyly 341 myńnan astam túlek 9-synypty aıaqtaıdy, olar aldaǵy ýaqytta 10-synypty jalǵastyrý nemese kolledjge túsý týraly sheshim qabyldaıtyn bolady. 11-synypty 186 myńnan astam túlek bitirýde. Olar endi bolashaq mamandyqtaryn tańdaıdy», - dedi ol Ortalyq kommýnıkatsııalar qyzmetindegi brıfıngte.
Onyń aıtýynsha, Oqý-aǵartý mınıstriniń buıryǵyna sáıkes mektepterde oqý merzimi 2024 jyldyń 25 mamyrynda aıaqtalady. 24 mamyrda respýblıkanyń barlyq mektepterinde 1-10 synyptar oqýshylaryna «Bilimim – Otanyma!» taqyrybynda biryńǵaı synyp saǵaty ótedi. Synyp saǵatynyń maqsaty: balalardy jyl boıy alǵan biliminiń nátıjesin qorytyndylaı bilýge tárbıeleý. Sondaı-aq 25 mamyr kúni mektep túlekteriniń qatysýymen «Mektebim, saǵan myń alǵys!» atty saltanatty is-shara mektep qabyrǵasynda ótkiziledi. Saltanatty is-sharany ótkizý formatyn, qatysýshylar quramyn bilim berý uıymdary ózderi anyqtaıdy.
«Bastaýysh synyp oqýshylary mamyr aıynyń sońǵy kúnderinen dástúrli túrde jazǵy demalysqa shyǵady. Al 5-11 synyp oqýshylaryna 27 mamyrdan bastap emtıhandar ótkiziletin bolady. Emtıhandar aıaqtalǵan soń olar da jazǵy demalysqa shyǵady. Bıylǵy jyly alǵash ret bilim alýshylardyń baǵdarlamalar mazmunyn meńgerýin baǵalaý maqsatynda 5-8, 10 synyptar aralyǵynda qazaq tili men ádebıeti pánderinen aralyq emtıhandar ótkiziledi», - dedi Natalıa Jumadildaeva.