Bıyl 156 myń kolledj stýdenti dıplom alady

<p>ASTANA. KAZINFORM - Bıyl 156 myń kolledj stýdenti dıplomalady. Bul týraly Oqý-aǵartý birinshi vıtse-mınıstri Natalıa Jumadildaeva aıtty.&nbsp;</p>

«Bıyl 29 mamyr men 10 maýsym aralyǵynda 9-synypta oqıtyn 341 242 bala qorytyndy attestatsııany tapsyrýdy josparlap otyr. 11-synyp túlekteri úshin mektep bitirý emtıhandary 28 mamyr men 11 maýsym aralyǵynda ótedi. Attestattardy saltanatpen tabystaý rásimi maýsymnyń 12-15 kúnderi ótedi», — dedi ol Ortalyq kommýnıkatsııalar qyzmetindegi brıfıngte.

Onyń dereginshe, sý tasqynyna baılanysty tótenshe jaǵdaı jarııalanǵan Aqtóbe oblysyndaǵy 9, Atyraý oblysyndaǵy 3, Soltústik Qazaqstan oblysyndaǵy 5 mektep oqýshylary aralyq jáne qorytyndy attestatsııadan bosatylady. Munan bólek, sý tasqyny, bolǵan óńirlerdegi 2 622 mektep oqýshylary úshin bilim alýdaǵy olqylyqty joıý maqsatynda jazǵy mektepter uıymdastyrylady.

«Bıyl tehnıkalyq jáne kásiptik bilim berý uıymdaryn 156 myń stýdent aıaqtaıdy. Kolledj túlekteri úshin qorytyndy attestatsııa 28 maýsymǵa deıin aıaqtalyp, dıplomdardy tabystaý 2 maýsym men 1 shilde aralyǵynda ótkiziledi», — dedi Natalıa Jumadildaeva.