Bıyl 15 qylmystyq toptyń músheleri ustaldy — UQK
Tamyzda UQK materıaldarynyń negizinde Qyzylorda oblysynyń qylmystyq ister jónindegi mamandandyrylǵan aýdanaralyq soty aımaqtaǵy qylmystyq ortanyń jetekshileriniń birine úkim shyǵardy.
Ol kisi óltirýge árekettendi degen aıyppen 12 jylǵa bas bostandyǵynan aıyryldy. Kórsetilgen qylmystyq is boıynsha tergeýdiń taǵy bir qatysýshysy sot sheshimin kútýde.
Jalpy, jyl basynan beri Ulttyq qaýipsizdik komıteti polıtsııamen birlesip, Bas prokýratýranyń úılestirýimen respýblıkanyń birqatar óńirinde 15 qylmystyq toptyń zańsyz áreketin toqtatty.
60 adam, onyń ishinde destrýktıvti dinı aǵym ókilderi, jergilikti jáne sheteldik qylmyskerler, sondaı-aq jazasyn ótep jatqan adamdar qylmystyq jaýapkershilikke tartyldy.
Olar kisi óltirýge árekettendi, qylmystyq topty basqardy jáne oǵan qatysty, qaraqshylyq jasady, bopsalady, esirtkini zańsyz saqtady, qarý-jaraqpen aınalysty, adam urlady, sondaı-aq zańsyz qumar oıyndar bıznesin uıymdastyrdy degen kúdikke ilingen.
20-dan astam atys jáne jaraqat salatyn qarý tárkilendi.
Qylmystyq toptardyń 5 qatysýshysy sot organdarynyń sheshimimen túrli merzimderge bas bostandyǵynan aıyryldy.
Qalǵandary boıynsha sotqa deıingi tergeý jáne sot protsesteri júrip jatyr.