Bıyl 15 kásiporyn jumysshylary ereýilge shyǵyp, jumysty toqtatqan

<p>Jyl basynan beri elimiz boıynsha birneshe kásiporynda jumysshylar jalaqy máselesin kóterip ereýilge shyqqan. Onyń keıbiri sottyń sheshimimen zańsyz dep tanyldy. Bul týraly QR Eńbek jáne halyqty áleýmettik qorǵaý mınıstrligi eńbek jáne halyqty áleýmettik qorǵaý komıtetiniń tóraǵasy Tólegen Ospanqulov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Jyl basynan beri respýblıka boıynsha eńbek táýekelderi bar 109 kásiporyn anyqtaldy. Monıtorıng boıynsha eńbek janjaly bolǵan 149 kásiporyn tirkeldi. Búginde 69 kásiporyn baqylaýda. Olar boıynsha ýákiletti memlekettik organdar shara qabyldap jatyr», - dedi Tólegen Ospanqulov Ortalyq kommýnıkatsııalar qyzmeti alańynda ótken baspasóz máslıhatynda.

Bıyl respýblıkanyń 15 kásipornynda 3 saǵattan astam ýaqytqa kásiporyn jumysy toqtatylǵan ereýilder boldy. Atap aıtqanda, Mańǵystaý oblysynda – 7, Atyraý oblysynda – 3, BQO – 2, Aqtóbe oblysynda – 2, Ulytaý oblysynda – 1.

«Qazirgi ýaqytta barlyq ereýil aıaqtaldy. Jumyskerlerdiń negizgi talaby – jalaqyny arttyrý, «QazMunaıGaz» AQ enshiles uıymdarynyń shtatyna aýystyrý, syıaqylar tóleý, eńbek jaǵdaılaryn jaqsartý, jalaqyny ındeksteýdi júrgizý», – dep tolyqtyrdy ol.

Onyń aıtýynsha, barlyq ereýil QR Eńbek kodeksinde belgilengen jumyskerlerdiń talaptardy usyný rásimderin saqtamaı, «stıhııalyq tártippen» ótken. Sondyqtan sot sheshimimen 5 ereýil zańsyz dep tanyldy.