Bıyl 10 aıda 34,9 myń tonna balyq aýlandy – Ekologııa mınıstrligi

<p>2030 jylǵa qaraı 270 myń tonna balyq ósirý, ishki tutynýdy jylyna 134 myń tonnaǵa deıin ulǵaıtý jáne balyqtyń tabıǵı popýlıatsııasyn 7%-ǵa arttyrý kútilýde. Bul týraly Ekologııa jáne tabıǵı resýrstar mınıstri Erlan Nysanbaev málim etti, dep habarlaıdy <a href="Kazinform" target="_blank" rel="noopener">Kazinform.</a></p>

«Balyq sharýashylyǵyn damytýdyń 2030 jylǵa deıingi baǵdarlamasyna toqtalsam, bıyl 10 aıda 34,9 myń tonna balyq aýlandy. 13,2 myń tonna balyq ósirildi, 15,6 myń tonna balyq eksporttaldy jáne ımport 32 myń tonnaǵa jetti. Úkimet 2021 jylǵy sáýirde balyq sharýashylyǵyn damytýdyń 2030 jylǵa deıingi baǵdarlamasyn qabyldady», - dedi Erlan Nysanbaev Ortalyq kommýnıkatsııalar qyzmeti alańynda ótken baspasóz máslıhatynda. 

Mınıstrdiń aıtýynsha, 2030 jylǵa qaraı 270 myń tonna balyq ósirý, ishki tutynýdy jylyna 134 myń tonnaǵa deıin ulǵaıtý jáne balyqtyń tabıǵı popýlıatsııasyn 7%-ǵa arttyrý kózdelip otyr. 

«2030 jylǵa deıingi baǵdarlama sheńberinde qabyldanǵan sharalardyń nátıjesinde saladaǵy bıznestiń iskerlik belsendiliginiń ósýi baıqalady. Máselen, 2020 jylmen salystyrǵanda balyq ósirý sharýashylyǵynyń sany 2 ese artyp, 383-ke jetti. Balyq ósirý 9 myń tonnadan 19 myń tonnaǵa deıin ósti», - deıdi vedomstvo basshysy.