Bıyl 1 mln 100 myń tonna qant qyzylshasy jınalady
«Bıyl qant qyzylshasynyń egis kólemi 25,2 myń gektardy qurady. Jalpy jınalatyn kólem shamamen 1 mln 100 myń tonna bolady dep kútilýde. Merki qant zaýytynda 450 myń tonna, Kóksý zaýytynda 250 myń tonna, Aqsý zaýytynda 400 myń qant qyzylshasyn qabyldaý jáne ony óńdeý josparlanǵan», — dedi Úkimet basshysy jaýabynda.
Onyń atap ótýinshe, qant zaýyttaryn aınalym qarajatymen tolyqtyrý úshin «Agrarlyq nesıe korporatsııasy» AQ arqyly áleýmettik-kásipkerlik korporatsııalardy kredıtteý tetigi ázirlendi.
«Máselen, «Agrarlyq nesıe korporatsııasy» AQ «Aqsý Qant» JShS-nyń aınalym qarajatyn tolyqtyrý úshin 15 mlrd teńgege ótinimdi maquldady. Merki qant zaýytyn 9 mlrd teńge somasyna qarjylandyrýǵa berilgen ótinim qarastyrylýda. Qant qyzylshasyn jumys istep turǵan zaýyttarǵa jetkizý tıimdiligin arttyrý maqsatynda qazirgi ýaqytta Aýyl sharýashylyǵy mınıstrligi Qarjy mınıstrligimen birlesip qosymsha qarajat bólý máselesin olpysyqtaýda. Osy jyly 9 qazandaǵy jaǵdaı boıynsha qant zaýyttary 345 myń tonna qant qyzylshasyn óńdeýge qabyldady», — dedi Oljas Bektenov.
Buǵan deıin habarlaǵanymyzdaı, bıyl elimizde qyzylsha ósirýden rekordtyq kórsetkishti ıgerý josparlanǵan.