Bıyl 1 100-den astam páter urysy ustalǵan
«Jyl basynan beri 1 100-den astam páter urysy ustaldy. Onyń ishinde 59 qylmystyq top pen 38 gastroldik ury bar. Mysaly, Almatyda tórt adamnan turatyn gastroldetip júrip páter tonaıtyn bir top ury qolǵa tústi. Olar plastık terezelerdi ashý arqyly bes urlyq jasaǵan. Shyǵyn 17 mln teńgeden asady. Sondaı-aq osy qalada 12 páterdi tonaǵan gastroldik urylardyń basqa toby ustaldy. Olar úılerge kilt tańdaý jolymen kirgen. Bul qylmys túri jalpy qaýipsizdik deńgeıi men azamattardyń jaıly ómir súrýine tikeleı áser etedi», -dedi ol vedomstvoda ótken aptalyq brıfıngte.
Onyń aıtýynsha, ishki ister organdary páter urlyǵyna qarsy kúreste birqatar uıymdastyrýshylyq jáne zańnamalyq sharalardy qabyldap jatyr.
ІІM-niń vedomstvolyq baǵdarlamalary aıasynda turǵyn úılerdiń aýlalarynda 68 myńnan astam beınebaqylaý kameralary ornatyldy. 24 myńnan astam kamera turǵyndardyń bastamasymen qoıyldy.
Bul jumys júıeli túrde jalǵasyp jatyr.
«Páter urlyǵynyń jasalý ádisi men ýaqytyna kúndelikti taldaý júrgiziledi. Osyǵan qaraı patrýldik polıtsııa narıadtarynyń qozǵalys baǵyttary belgilenip otyrady. Jergilikti atqarýshy organdarmen jáne saýda obektileriniń ákimshilikterimen birlesip, urlanǵan múlikti satyp alý jáne ótkizý faktilerine jol bermeý boıynsha sharalar qabyldanýda. Jalpy qabyldanǵan sharalardyń nátıjesinde sońǵy 5 jylda páter urlyǵynyń sany jyl saıyn orta eseppen 34 paıyzǵa tómendep keledi. Eger 2019 jyly 31 myńnan astam qylmys tirkelgen bolsa, 2023 jyly tirkelgen qylmys sany 9 myńnan aspaıdy. Tómendeý úrdisi osy jyly da saqtalyp otyr. ıAǵnı bıyl páter urlyǵy 28 paıyzǵa kemidi», — dedi Shyńǵys Alekeshev.