Bıe súti óndirisi, tehnıkany sýbsıdııalaý paıyzy: ShQO sharýalary senatorlarǵa máselelerin jetkizdi

ÓSKEMEN. QazAqparat – Parlament Senatynyń depýtattary Olga Býlavkına men Shákárim Buqtuǵutov Shyǵys Qazaqstan oblysynyń Ulan aýdanyndaǵy Ablaket aýyldyq okrýginiń Besterek aýylynda boldy, dep habarlaıdy QazAqparat Palatanyń baspasóz qyzmetine silteme jasap.

Parlamentshiler «Aqbaýyr murajaı-arheologııalyq keshenin» aralady jáne aýyl sharýashylyǵy salasynyń ókilderimen kezdesti. Kezdesýge qatysýshylar salanyń problemalyq máselelerin, sonyń ishinde bıe sútin óndirý jáne qaıta óńdeý qunyna sýbsıdııa berý, aýyl sharýashylyǵy tehnıkasyna nesıe berýdi sýbsıdııalaý paıyzyn qaıta qaraý máselelerin talqylady.

Senatorlar Samara aýdanynyń Samar aýylynda da bolyp, aýdannyń aýyl sharýashylyǵy taýar óndirýshilerimen kezdesti, sondaı-aq «Lık» sharýa qojalyǵynyń qyzmetimen tanysty.