Bıdaı tasymaldaý shyǵyndarynyń qunyn arzandatýǵa beriletin sýbsıdııa kólemi jarııalandy

<p>ASTANA. KAZINFORM &ndash; Aýyl sharýashylyǵy mınıstrliginiń &laquo;Azyq-túlik astyǵyn tasymaldaýǵa baılanysty shyǵyndardyń qunyn arzandatýǵa sýbsıdııalar tóleý qaǵıdalary&raquo; qaýlysynyń jobasyn ázirledi. Qujat ashyq normatıvtik-quqyqtyq aktiler portalynda jarııalandy.</p>

Qaǵıdaǵa sáıkes, Aýyl sharýashylyǵy mınıstrligi bıýdjettik sýbsıdııalar tóleýdi júzege asyratyn bıýdjettik baǵdarlamanyń ákimshisi sanalady. Al operator - ulttyq temirjol kompanııasy aıqyndaǵan astyq tasymaldaýdy uıymdastyrý boıynsha jetkizýshilerge kóliktik-ekspedıtorlyq tasymaldaý qyzmetterin kórsetetin zańdy tulǵa. Ónim berýshi - astyqty Qazaqstan Respýblıkasynyń aýmaǵynan ótkizýdi júzege asyratyn jeke nemese zańdy tulǵa.

Bıýdjettik sýbsıdııalar biryńǵaı operatorǵa azyq-túlik astyǵyn tasymaldaýǵa baılanysty naqty kórsetilgen qyzmetter úshin tólenedi. Bıýdjettik sýbsıdııalardy tóleýdi bıdaıdy tasymaldaý kezinde jetkizýshilerdiń shyǵyndardy júzege asyrǵanyn rastaıtyn qujattar negizinde bıýdjettik baǵdarlamanyń ákimshisi júzege asyrady:

Reseı Federatsııasynyń aýmaǵy arqyly qara jáne Baltyq teńizderiniń Reseı porttarynyń baǵytyna bir tonna úshin 20 000 teńge mólsherinde tranzıtpen;

Reseı Federatsııasynyń, Latvııa Respýblıkasynyń, Lıtva Respýblıkasynyń, Estonııa Respýblıkasynyń aýmaǵy arqyly Baltyq teńizi porttarynyń baǵytyna bir tonna úshin 20 000 teńge mólsherinde tranzıtpen;

Qytaı Halyq Respýblıkasy arqyly Ońtústik-Shyǵys Azııa elderiniń baǵytyna bir tonna úshin 20 000 teńge mólsherinde tranzıtpen;

Túrikmenstan arqyly Aýǵanstan Islam Ámirliginiń baǵytyna bir tonna úshin 20000 teńge mólsherinde tranzıtpen;

Ázirbaıjan Respýblıkasynyń, Grýzııanyń, Armenııa Respýblıkasynyń baǵytyna bir tonna úshin 20 000 teńge mólsherinde;

Iran Islam Respýblıkasynyń baǵytyna bir tonna úshin 20 000 teńge mólsherinde bekitiledi.
Qaýly jobasy 7 jeltoqsanǵa deıin qoǵamdyq talqylaýda bolady jáne 2024 jylǵy 1 qyrkúıekten bastap qoldanysqa engiziledi. Sonymen qatar 2025 jylǵy 1 qyrkúıekke deıin qoldanysta bolady.