Bıdaı quny ósse de, nan baǵasy turaqty bolady – Erbol Qarashókeev

NUR-SULTAN. QazAqparat – Qazaqstanda nan baǵasynyń ósýine esh sebep joq. Bul týraly Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Bıdaı baǵasy ósip jatyr, saldarynan nan qymbattaýy múmkin be?»- dep suraq qoıdy tilshiler Úkimette ótken brıfıngte.

«Iá, shyn máninde, bıdaıdyń álemdik baǵasy ósip keledi. Biraq ózderińiz bilesizder, bizde Azyq-túlik kelisimsharty korporatsııasy bıdaı qoryn qurdy. Qazirgi ýaqytta áleýmettik nan úshin óńirlerge arzandatylǵan astyq jetkizilip jatyr. Sondyqtan baǵa turaqty bolady. Nan baǵasynyń ósýine esh sebep joq jáne bolmaıdy da. Sebebi bizdiń kólemimiz ishki naryqty qamtamasyz etý úshin jetkilikti», - dedi Erbol Qarashókeev.

Keshe Saýda jáne ıntegratsııa mınıstrligi elimizdegi qanttyń ortasha baǵasyn aıtqan edi.