Bıbisara Asaýbaeva Gran-prı týrnırinde ekinshi boldy

<p>TBILISI. KAZINFORM &ndash; Qazaqstandyq shahmatshy Bıbisara Asaýbaeva FIDE áıelder arasyndaǵy Gran-prı jarysynda ekinshi oryn aldy. Bul jaıynda <a href="https://t.me/sportilinet/20136" target="_blank" rel="noopener">Shredınger sporty</a> arnasynan habarlandy.</p>

Qazaq shahmatshysy toǵyz týrǵa sozylǵan týrnırdi 5,5 upaımen aıaqtady, onyń ekeýi — jeńis, jeti márte teń tústi.

Bıbisarany jolda qaldyryp, qara úzip ketken jalǵyz shahmatshy — Polshadan kelgen Alına Kashlınskaıa. 

Ol sońǵy týrda jeńiske jetip, 6 upaı enshiledi, ıaǵnı 3 oıyndy aıqyn basymdyqpen aıaqtap, altaýynda teń túsken.

Foto: t.me/sportilinet

Eske sala keteıik, elimizde shahmatty damytýdyń 2027 jylǵa deıingi keshendi jospary júzege asyp jatyr.

Onyń bir baǵyty — shahmatty mektep baǵdarlamasyna varıatıvti komponent retinde engizý.

Byltyr pılottyq joba retinde elimizdiń 7 óńirindegi 42 mekteptiń oqýshylary shahmatty meńgere bastaǵan.

Al qazir 750-den astam memlekettik mektep basshylyǵy shahmatty oqý baǵdarlamasyna engizýge daıyn ekenin jetkizgen. Birden aıtaıyq, pán retinde emes. 

Aıta keteıik, tamyz aıynyń basynda Astanada ótken shahmattan álem chempıonatynda Magnýs Karlsen bastaǵan komanda blıtsten jeńimpaz atanǵan edi.