Bıbisara Asaýbaeva FIDE Gran-prıiniń sheshýshi kezeńine qatysýǵa shaqyrtý aldy

ASTANA. QazAqparat – Qazaqstandyq shahmatshy Bıbisara Asaýbaeva Nıý-Delıde ótip jatqan áıelder arasyndaǵy FIDE Gran-prıiniń úshinshi ezeńinde 2-oryn aldy, dep habaraıdy QazAqparat tilshisi.

Mádenıet jáne sport mınıstrligine qarasty Sportty damytý dırektsııasynyń málimetinshe, Bıbisara sheshýshi - 11-týrda Katerına Lagnomen teń túsip, 6 upaı jınady.

Aıta keteıik, búgin qytaılyq Chjý Tszıner men reseılik Aleksandra Gorıachkına da teń oınap, 6 upaı enshilegen edi. Osylaısha, úsh shahmatshy ball sany boıynsha teń tústi. Bul rette Bıbisara Asaýbaeva jekelegen kórsetkish boıynsha 2-oryn alsa, reseılik grossmeıster Aleksandra Gorıachkına taı-breıkte jeńiske jetti.

Birdeı upaı jınaǵan 3 oıynshy 37 myń eýro syıaqy men 400 upaıdy birdeı bólisedi.

Eske sala keteıik, Gran-prıdiń sheshýshi - 4-kezeńi Kıpr astanasy Nıkosııada 15-28 mamyr kúnderi ótedi. Otandasymyz Bıbisara Asaýbaeva osy kezeńge shaqyrtý alǵan 12 shahmatshynyń qatarynda.