Bıbigúl Tólegenova «Eýrazııa» kınofestıvaliniń arnaıy syılyǵyna ıe boldy

ASTANA. QazAqparat  -  XIII Halyqaralyq "Eýrazııa" kınofestıvaliniń uıymdastyrý komıteti "Kınematografııa ónerine qosqan úlesi úshin" atty arnaıy syılyqty taǵaıyndady. 

Atalǵan marapatqa KSRO Halyq ártisi Bıbigúl Tólegenova ıe boldy, dep xabarlaıdy QazAqparat tilshisi.

"Osy jasqa kelip, sizdermen birge búgingi meıramdy atap ótip otyrǵanyma óte qýanyshtymyn. Menińshe, álemniń túkpir-túkpirinen tanymal ártisterdiń kelip, óz ónerlerin pash etkeni úlken qýanysh ári mártebe. Meniń tilegim bir, aspanymyz ashyq bolsyn! Osyndaı kezdesýler kóp bolsyn!", - dedi Bıbigúl Tólegenova kınofestıvaldiń ashylý saltanatynda. Osydan keıin xalyq ártisi "Kóktem týraly vals" ánin oryndap berdi.

Aıta keteıik , búgin "Eýrazııa" kınofestıvali aıasynda Gollıvýd juldyzdary qyzyl kilemge qaramaı, qazaq jankúıerlerimen arnaıy amandasty. Prezıdent Nursultan Nazarbaev ta kınofestıval qatysýshylaryna óz quttyqtaýyn joldady .